Үйлчилгээний нөхцөл

1.1.Surwin платформ нь цахим худалдаа ба мэдээллийн технологи салбарт ажиллах, хэрэглэгчид чиглэсэн b2c урамшуулалт цахим жижиглэн худалдаа үйлчилгээ юм.

1.2.Surwin нь барааны борлуулалтыг бодит цагийн дуудлага, динамик үнэ, маркетингийн тоглоомжуулалттай хослуулсан урамшуулалт цахим худалдааны загвараар зохион байгуулна.

1.3.Энэхүү үйлчилгээ нь бэлэн мөнгө олгох, мөрий тавих, аз сорих төлбөрт тоглоом бус бөгөөд хэрэглэгчийн оролцоо нь бараа, хөнгөлөлт, захиалгын цахим худалдааны харилцаанд хамаарна.

2.1.Хэрэглэгч — Surwin-д бүртгүүлсэн, 18 насанд хүрсэн хувь хүн.

2.2.Дуудлага — барааны урамшуулалт үнийг идэвхжүүлэх, серверээр баталгаажсан нэг оролцооны үйлдэл.

2.3.Токен — энгийн дуудлагад нэг удаа дуудлага илгээх дижитал эрх. Токен нь бэлэн мөнгө биш.

2.4.Дэнчин — VIP дуудлагад оролцох зорилгоор байршуулах, буцаан олгогдохгүй токен.

2.5.Ялагч — хамгийн сүүлд дуудлага илгээсэн хэрэглэгч.

2.6.Буцаан олголт — хожоогүй дуудлагад зарцуулсан токеноос серверээр тооцогдох, зөвхөн Surwin дэлгүүрт ашиглах ₮ хөнгөлөлт.

3.1.Хэрэглэгч 18 насанд хүрсэн, иргэний эрх зүйн бүрэн чадамжтай Монгол улсын иргэн байна.

3.2.Бүртгүүлэхдээ холбогдох мэдээллийг үнэн зөв, бүрэн өгөх үүрэгтэй.

3.3.Аккаунтын нэвтрэх нэр, нууц үгийн аюулгүй байдлыг хэрэглэгч өөрөө бүрэн хариуцна.

3.4.Нэг хэрэглэгч өөрийн нэр, утас, регистр болон төлбөрийн мэдээллээр зөвхөн нэг бүртгэл ашиглана. Давхар бүртгэлээр давуу байдал үүсгэхийг хориглоно.

3.5.QPay, банкны апп, нэвтрэх мэдээллээ бусдад дамжуулснаас үүдэх аливаа төлбөрийн үйлдлийг хэрэглэгч өөрөө хариуцна.

4.1.Дуудлага нь энгийн болон VIP төрлөөр зохион байгуулагдана. Хэрэглэгч оролцохоосоо өмнө хөрөнгийн мэдээлэл, төрөл, хугацаа, нөхцөлтэй сайтар танилцана.

4.2.Энгийн дуудлагад 1 дуудлага илгээх = 1 Токен. Үнэ тухайн өрөөнд урьдчилан зарласан доод, дээд өсөлтийн хүрээнд нэмэгдэнэ.

4.3.Soft Close: шинэ дуудлага орох бүрт Round-ийн хугацаа дахин эхэлнэ. Round-д өөр дуудлага орохгүй бол сүүлийн дуудлага ялна.

4.4.Hard Close: эцсийн, сунгагдахгүй хугацаа. Хүрмэгц дуудлага хаагдаж, хамгийн сүүлд дуудлага илгээсэн хэрэглэгч ялна. Дараа нь дуудлага илгээх, хугацаа сунгах, үр дүн өөрчлөх боломжгүй.

4.5.VIP дуудлагад оролцохын тулд дэнчин урьдчилан тушаана. Дэнчингийн хэмжээ хөрөнгийн төрөл, оролцогчдын тооноос хамаарах ба буцаан олгогдохгүй.

4.6.Дуудлагын хугацаа, Round-ийн шилжилт, дуудлагын дараалал, ялагч тодорсон үр дүн нь системийн бүртгэлээр баталгаажна. Платформын системийн цагийг баримтална.

5.1.Ялсан хэрэглэгч ажлын 5 хоногийн дотор нийт төлбөрийг бүрэн шилжүүлэх үүрэгтэй.

5.2.Хугацаандаа төлөөгүй бол ялагчийн эрхийг дараагийн дуудлага илгээсэн хэрэглэгчид шилжүүлнэ. Хэрэглэгч энэ талаар гомдол гаргах эрхгүй.

5.3.Ялагч бараа хүлээн авахдаа хувь хүнийг баталгаажуулах бичиг баримт үзүүлэх үүрэгтэй.

6.1.Илгээсэн дуудлага, VIP дэнчинг хэрэглэгч дангаараа цуцлах, буцаах боломжгүй.

6.2.Токен нь бэлэн мөнгө биш, зөвхөн Surwin дотор дуудлага илгээх дижитал эрх юм. Токеныг бэлэн мөнгө болгон буцаан авах боломжгүй.

6.3.Хожоогүй дуудлага хаагдах үед зарцуулсан токены 5% буюу нэг токен тутамд 50₮ Surwin дэлгүүрийн хөнгөлөлт болж серверээс тооцогдоно.

6.4.Буцаан олголтыг дуудлага илгээх, токен авах, бэлэн мөнгө болгон татахад ашиглахгүй. Зөвхөн дэлгүүрийн захиалгын төлөх дүнг бууруулахад хэрэглэнэ.

7.1.Хөрөнгийн өмчлөл, маргаангүй эсэх, байршил, зураг, тайлбарын үнэн зөв байдлыг хөрөнгө байршуулсан этгээд бүрэн хариуцна.

7.2.Барааны баталгаа нь үйлдвэрлэгч, нийлүүлэгчид хадгалагдана.

8.1.Хуйвалдах, хуурамч дуудлага илгээх, дуудлагын үр дүнд нөлөөлөх аливаа оролдлогыг хатуу хориглоно.

8.2.Зөрчил илэрсэн тохиолдолд Surwin нь тухайн хэрэглэгчийг оролцуулахгүй байх, бүртгэлийг хязгаарлах, шаардлагатай бол хууль хяналтын байгууллагад мэдээлэх эрхтэй.

9.1.“Зөвшөөрч байна” товчийг дарснаар энэхүү нөхцөлийг бүрэн хүлээн зөвшөөрч, цахим гэрээ байгуулсанд тооцно.

9.2.Дуудлагын үр дүн нь системийн бүртгэлээр тодорхойлогдож, хүчин төгөлдөр байна.

10.1.Талууд маргааныг эвийн журмаар шийдвэрлэхийг эрхэмлэнэ.

10.2.Хэрэглэгч дуудлага дууссанаас хойш 24 цагт багтаан surwinmn@gmail.com хаягаар гомдол илгээснээр албан ёсны гомдол гаргасанд тооцно.

10.3.Зохион байгуулагч гомдлыг ажлын 3 хоногт багтаан шийдвэрлэнэ. Тохиролцоонд хүрээгүй бол маргааныг Монголын Олон Улсын Арбитраар шийдвэрлүүлнэ.

11.1.Интернэт, үүрэн холбоо, банк, QPay эсвэл дэд бүтцийн давагдашгүй саатал гарвал Surwin тухайн дуудлагыг түр зогсоох, цуцлах, хэрэглэгчийн серверээр баталгаажсан зарцуулалтыг нөхөн тооцох эрхтэй.

11.2.Surwin нь энэхүү нөхцөлд нэмэлт, өөрчлөлт оруулах эрхтэй. Шинэчилсэн нөхцөлийг surwin.org дээр нийтэлснээр хүчин төгөлдөр болно.

11.3.Платформыг ашигласаар байвал шинэчилсэн нөхцөлийг хүлээн зөвшөөрсөнд тооцно.

11.4.Энэхүү нөхцөлд тусгагдаагүй бусад зүйлсийг Монгол улсын хууль тогтоомжоор зохицуулна.